На 5 септември (петок) започнаа пробите на новата претстава на струмичкиот театар, комедијата „ Мизантроп”од Молиер, во режија на гостинот од Бугарија, Дамјан Тенев, кој е истовремено автор на сценската адаптација и музиката. Препевот на сценската адаптација на македонски јазик е на Никола Маџиров. Сценографијата и костимите ќе бидат на Радостина Тенева, а плакатот на Ване Костуранов.
Во претставата ќе настапат Ванчо Василев, Стојан Велков-Трн, Кољо Черкезов, Анкица Бенинова, Васка Aнгелова, Јулија Милкова, Танкица Стојанова и Игор Тодоров.
